Ladron de Zegama, Santos

Santos Ladron Zegamakoa Irunberrin jaio zen 1784an eta Iruñan hil 1833an. Napoleonen aurka Espainiako Independentzi gerran parte hartu zuen frantsesen aurka. Hirurteko Konstituzionalean Frantziara ihes egin behar izan zuen eta gerran (1821 - 1823) brigadier eta Nafarroako komandante jenerala izan zen; konstituzionalistak eta Txapalangarraren taldea garaitu egin zituen eta Fernando VII.ak mariskal izendatu zuen. Iruñeko (1823 - 1830) eta Cartagenako gobernadore militarra izan zen (1830 - 1833). Fernando VII.a hil zenean, Errioxara joan eta Karlos V.aren aldekoa izan zen. Lehen Gerra Karlistan Dulantzin preso hartu, Iruñera eraman eta fusilatu egin zuten (1833 - X -10).

Iturria: Harluxet