Iruñeko setioa

Napoleonen kontra Espainiako Independentzi gerran 1808.az geroztik Iruñea hartua zuten frantsesen aurka eginiko setioa. Espoz eta Mina gerrillari nafarrak 1811n eman zion hasiera setioari eta 1813an gogortu eta estutu egin zuen. Gasteizko batailaren ondoren (1813 - VI - 21), Iruñeko armada frantsesak kanpoko laguntza galdu zuen. Picton eta O'Donnell jeneralek Iruñeko setioari ekin zioten. Tropa frantsesek Pirinioetako muga pasatu zuten Iruñeko frantsesei laguntzeko asmoz, baina nafarrek garaitu egin zituzten uztailean. Goseteak astindu zuen hiria. Azkenik, gose eta gaixorik, frantsesak errenditu egin ziren urriaren 31n. Pasaiara lehenik eta handik itsasontziz Ingalaterrara preso eraman zituzten.

Iturria: Harluxet