Antso Larrosakoa

Antso Larrosakoa Larrosan, Huesca, jaio zen ez dakigu noiz eta Iruñean hil 1142an. Erlijioso nafarra izan zen. Nafarroa-Aragoiko Pedro I.aren garaian, Huescako kalonjea (1098) eta Alfontso I.a Borrokalariarenean, Iruñeko apezpikua izan zen (1112 - 1142). Apezpikua zela, Iruñeko katedral erromanikoa amaitu eta sagaratu egin zuen (1127) eta klaustroa amai zedin dirulaguntza lortu zuen. Gartzia IV.a Ramirez Berrezarlea erregetu zenean, errege-etxeko kontseilaria izan zen. Iruñeko elizbarrutirako pribilegio eta dohaintzak lortu zituen. Orreagako behin-behineko erromes-ospitalea eraiki zuen (1127); gero, Ibañetara eraman zutena (1132).

Iturria: Harluxet