Perez Legariakoa, Migel

Migel Perez Legarian jaio zen, ez dakigu noiz eta Iruñean hil 1304an. Iruñeko apezpikua izan zen (1287-1304). Nafarroako Felipe I.a eta Joana I.a errege-erreginekin Elizaren eskumenen auzia konpondu behar izan zuen; akordioa Elizarentzat kaltegarria izan zen eta Aita santuak ez zuen akordioa zazpi urtetan berretsi. Foruen kontra zihoalakoan, apezpikuaren kontrako epaiketa bultzatu zuen Iruñeko epaile-talde batek. Lizarrako (1291) eta Iruñeko Gorte Nagusietako kidea izan zen (1293). Iruñeko elizbarrutiko sinodoa bildu (1301), Nafarreriako liburutegia berrantolatu eta San Migelen kofradiako arauak aldatu zituen.

I: Harluxet