<<<Nagusira

puntubi.com

puntubi.com

>Orreagako "Colegiata"   

Monasterioa

Nafarroako kolegio-eliza gotikoa, Santiago-bidean, Orreagan (Zangozako mer.), Eraikuntza zabala eta sendoa da, horma lodi eta metalezko teilatu itsusgarriduna. Colegiata deitutako etxea estilo gotiko nabarikoa da, frantses estilo jator-jatorra: XIII. mendean eraiki zen, Antso VII.a Azkarraren eskutik. San Agustin eliza txikia baina ederra da eta Nafarroako errege Antso VII.a bertan dago ehortzita. Harri landuan egindako hilobiak gizon horren gorputz sendoaren irudia erakusten du, berarekin ekarri zituen 1202an Navas de Tolosako (Jaen, Espainia) batailan arabiarrei irabazitako katearen zati bat. Hilobiaren aurrean dago, esaten denez, Errolanen budinmaza.

XIII - XVII. mende artean agustindar fraideek bizi izan ziren monasterioan. Agustindarrek alde egin eta Monasterioaren klaustroa 1600ean suntsitu egin zen, elurraren kargari eutsi ezinik. Egun duen itxuran berreraiki zen eta Artzapezpikutzaren fraideek kudeatzen dute.

Harluxet-en aurkitua

Orreagako Andre Mariaren kolegiata
 Orreagari buruz lehen datu historikoa Iruñako apezpiku Antso Larrosak Ibañeta gainean eraikitzea agindutako ostatuarenak dira, 1127an. Geroago, 1132an, oraingo lekura aldatu zuten eta Euskal Herrian, arte gotikoaren lehen agerpenetarikoa izango dena eraiki zuten. Frantziako I-ko eliza gotikoen ezaugarriak ditu. Hiru nabe ditu eta gurutzadurarik ez; erdiko nabeak bost aldeko burualde poligonala du, leihate zabala eta sei ganga seikoitz. Nabeen arteko pilareetako kapiteletan ere frantses eragina nabari da. Kapera nagusiaren erdian zilarrez estalitako Ama Birjinaren taila gotikoa dago (XIV. m.). Burualdearen azpiko kriptak horma-pintura gotikoak ditu; irudi geometriko eta apaingarriak nagusi dira. Portada arrunta eta soila da. Elizaren ondoan klaustro gotikoa dago, oinplano karratukoa. Elurte baten ondoren erori egin zen eta berria eraiki zen apaingarri gutxirekin (1615-60). Klaustrotik San Agustin kaperara (Kapitulu-aretora) iragaten da (XIV. m.). Erdian Antso VII.a Azkarraren mausoleoa dago. Elizatik at, bide ertzean, Orreagako eraikin zaharrena dago: Espiritu Santuaren kapera. Herri-tradizioaren arabera, Karlomagnok eraikiarazia da, guduan hildako frankoen oroigarri, baina eraikina 1135 ingurukoa da eta XII. m.a baino lehenagoko aztarnarik ez du.

Museoa

Museo ikusgarria da, Nafarroako historiaren lekuko diren pieza ugari ikusgai dituena. Zilar-lan erlijio irudidunak eta XV. mendeko hiru-orri flamenkoa ditu erakusteko.

Bisitarien etxea

 Orreagako eta oro har Nafarroako historia deskribatzen duen erakusketa apala. Etnografi, etnologi eta txanpon bilduma garrantzizkoa ditu ikusgai.

Sancti Spiritus eta Erromesen gurutzea

Kanpoaldean Karlomagnoren Siloa edo Sancti Spiritus eliza dago. Frantziako hamabi pareen eta Rolanen gizonen hilobia omen dena. Hemendik Auritz-eko bidean, ezkerrera, Erromesen Gurutze zahar bat dago.

5.- Bidali informazioa