Urtubia, Maria

Maria Urtubia Urruñan jaio, ? eta Beran hil zen 1505ean. Oinaztarren bandoko Joan Urtubiaren eta Teresa Lazkaokoaren alaba. Joan Monreal oinaztarrarekin ezkondu zen eta, geroago, ganboatarren bandoko Rodrigo Ganboa Altzateko jaunarekin; aita zenaren bandoaren aurka jardun zuen ordudanik. Rodrigo hildakoan lehenengo senarrak ondorengotza-eskubideak eskatu zituen semearentzat; gatazka bizia piztu zen. Maria hil zenean, jaraunspen-arazoak zirela eta, oinaz eta ganboatar bandoen arteko borroka gogortu egin zen. Mariaren bi ezkontzetako ondorengoak bi bandoetakoak ziren eta elkarren arteko ezkontzaz amaitu zen liskarra 1574an.

Iturria: Harluxet