Munduko hizkuntz familiak

Munduko biztanleria 3.000ren bat talde etnolinguistikotan banaturik sailkatu ziren 1970eko hamarkadan egindako ikerketetan; taldeok hiztun-kopuru oso ezberdinetan banatuta daude: hizkuntza anitz dago oso hiztun gutxi dituena; aitzitik, badaude ehunka milioi hiztun dituzten bakar batzuk ere. Hiztun hauen ama-hizkuntza bakarrik aintzakotzat hartuta hurbilpen estatistiko batek honelako zerbait emango liguke:

1.- Lau hizkuntza nagusiak: Txinerak 800 milioi ditu (500 milioi, mandarinerara mugatuz); hindierak, 350; ingelesak, 320; eta espainierak, 210. Orotara, munduko biztanleriaren %43.

2. Hizkuntza Handiak: Errusierak 150 milioi ditu (ukraniera eta bielorrusiera aparte); arabierak eta bengalierak, 130 milioi bana; portugesak, 120; japonierak, 110; alemanak, 105 (yiccish-a barne nahi balitz); frantseserak, 80. Denera, biztanleriaren %20 pasatxoa.

3. Hamabi hizkuntza erdimailakoak: 70-35 milioi bana dituzte, eta hauetakoak dira: javaera, italiera, teluguera, korearra, maratera, tamulera, vietnamera, turkiera, ukraniera, poloniera, gureratera eta taiera. Orotara, biztanleriaren %14.

4, Beste 2.900 etno-hizkuntzak: 30-20 milioi dituzte Indiako zenbait hizkuntza, errumaniera, neerlandera, birmaniera eta beste; 15-6 batetan, iraniera, serbokroaziera, ethiopiera, hungariera, txekera, suediera, katalanera, edo ketxuera; 5-3 milioitara jaisten dira daniera, suomiera, albaniera, georgiera, galegoa edo guarania; 2 milioiren azpitik geratzen dira estoniera, esloveniera, euskara edo azteken nahuatiera. Multzo honetakoek eta oraindik gutxiago dituztenek, biztanleriaren % 23 eskas bat egingo lukete orotara.

Iturria: Euskara euskaldunon hizkuntza, Joseba Intxausti