<<< Orri Nagusira

       

puntubi.com

Foru Nagusia

Antzinako Euskal Foruen ildo berean Nafarroako erresuma osoan aplikatzen ziren lurralde-eskubideei buruzko lege-multzoa, XIII. mendetik aurrera eratu eta osatua. Foruen hizkuntza nafar-erromanikoa da. Gizarteko talde agintariek, elizak, Gorteak..., latina baztertzean, erromanikoa hobetsi zuten Nafarroan zeregin berrietarako; baina, arauak gizarte euskaldun batek bete behar zituenez, euskal hitzak behin eta berriz azaltzen dira Nafarroako foruan, adibidez: ay una pecha que es clamada en bascuenz ašaguerrico

Antso VII.a Azkarra hildakoan Teobaldo I.a erregetu eta Champagneko dinastiak hartu zuen Nafarroako agintea. Lizarrako Gorteek orduan, dinasti aldaketak lurralde-eskubidean aldaketarik egon ez zedin, erresumako foru politikoak idatziz biltzea erabaki zuten. Batzorde bat sortu zuten horretarako, erregeak, Iru˝eko apezpikuak eta beste 40 hiritarrek osatua. Zuzenbide publikoko zortzi foru bildu zituzten lehenik, eta gerora, zuzenbide pribatuko foruak, udalerrietakoak, ohiturak eta zuzenbide erromatarraren legeak ere erantsi zitzaizkion.

Loturak: >Sobrarbeko Forua; >Foru Murriztua;

Iturria: Harluxet/ Joseba Intxausti

 

 

 

 

 

 

 

 

 

 

 

 

ašaguerrico