Inguma

Lo dagoenari erasotzen dion iratxoa. Eztarrian sartuta korapiloa eginez arnasa eten eta itolarri jasangaitza sortzen dio bizidunari. Amesgaiztoen, lo egite ezinaren, haur negartien kasketaren eta senda ezineko gaitzen errua egozten zaio. Baserri askotako ustea da, Inguma hildako arbaso beten espiritu urduria dela, sendiekin haserretuta heriotzaren azken arnasa bakean hartu ezin izan duena.

Ingumaren agerraldiak ekiditeko, Gauargi jeinu ongileari egiten zitzaion gurtza. Kristautasunaren eraginez, berriz, honako kanta hau esaten dute Inguma urrutiratzeko, Ezpeleta eta Saran adibidez:

"Inguma, enauk hire izu

Jainkoa eta Andre Maria

hartzentiak lagun;

zeruan izar, lurrean belar, kostan hare

haiek denak zenbatu arte

etzadiela niganat ager."

Iturria: Harluxet/ Berria