Fortun I.a Gartzes Begibakarra

Fortun I.a Gartzes Begibakarra ez dakigu non eta noiz jaio zen eta Leire-ko monasterioan hil zen 906an. Iruñeko III. erregea (882 - 905), Gartzia I. Iñigez eta Urrakaren semea. 

Bere aita hildakoan erregetu zen (882). Muhammad I.a emirrak preso eduki zuen hogeita bi urtez (860 - 882). Bost seme alaba izan zituen Oriakin: Eneko, Aznar, Blasko, Lope eta Oneka. Fortun I.a Gartzesen erregealdian Iruñeko erresuma Kodes mendizerratik Lizarra, Gares eta Artederretatik igaroz, Peña mendizerretarainoko, eta ziur asko, Zangoza eskualdea bitartekoraino lurraldeak hartzen zituen.

905ean, Antso I.a Gartzesek Iruñea hartu zuenean, Fortun I.a Gartzes Leireko monasteriora bidali zuten eta bertan eman zituen azken egunak. Hurrengo Iruñeko erregea bere biloba Toda Aznar-en senarra Antso I.a Gartzes izango zen.

Iturria: Elhuyar