Kardaberaz, Agustin

Agustin Kardaberaz Hernanin jaio zen 1703an eta Bologna-n hil 1770ean. Oñati, Azkoitia, Bergara eta Bilboko jesusen lagundian teologiako irakaslea izan zen. Loiolan finkatu zen eta Gipuzkoa eta Bizkaia osoan sermoiak ematen ibili zen misiolari. Hizlari onaren ospea lortu zuen. Loiolan Larramendirekin bizi izan zen (1763).

Jesuitak egotzi zituztenean Italiara jo zuen (1767). Bere lanen artean, "Retórica Vascongada" deitua izan den "Eusqueraren berri onac" (1761) eta Hegoaldean hedadura handia izan zuen "Cristauaren Vicitza" (1774) dira nagusiak. Gipuzkeraz idatzi zuen. Idazle ugaria, hamalauren bat obra aszetiko egin zituen. San Inazio Loiolakoaren bizitzari buruzko lanak eta euskaraz ondo idatzi, irakurri eta hitz egiteko liburuak ere idatzi zituen.

Iturria: Harluxet