Euskaltzaleak

Euskal prentsa sustatu eta euskara eta euskal literatura hedatzeko sortutako elkartea (Arrasate, 1927). Eusko Ikaskuntzaren babespean antolatu zen eta Lizardi eta Aitzol izan ziren elkartearen benetako arima eta bultzatzaileak. Euskararen egunak, euskal antzerkiaren eta euskal poesiaren egunak eta antzeko ekitaldiak antolatu zituzten eta 1933 - 1936 bitartean Yakintza aldizkaria argitaratu zuten. Espainiako Gerra Zibilaren ondorioz desagertu zen.

Iturria: Harluxet